Кыргызча
English 
Русский 
Урматтуу кесиптештер жана достор!
2024-жылдын 15-ноябрында Президент Садыр Жапаров Парк Высоких Технологий үчүн мөөнөтсүз салык режимин бекитүүчү Мыйзамга кол койду. Инвестициялык кеңештин катчылыгы бул маанилүү кадамды кубануу менен белгилейт, анткени бул Кыргыз Республикасын инновациялар жана технологиялык өнүгүү борбору катары бекемдөөгө өбөлгө түзөт.
Эми Парк Высоких Технологий мөөнөтсүз салык режимине ээ болуп, бул аны ички жана эл аралык ИТ компаниялар үчүн жагымдуу кылууда, туруктуу жана узак мөөнөттүү шарттарды түзүү менен санариптик экономиканы өнүктүрүүгө мүмкүнчүлүк берет.
Ошондой эле Парктын Байкоочу кеңешине өзүнүн Төрагасын өз алдынча шайлоого укук берилди, бул Парктын ишмердүүлүгүн натыйжалуураак жана оперативдүү башкарууга шарт түзөт жана анын резиденттерин колдоого көмөктөшөт.
Бул кадам өлкөбүздүн санариптик өсүшүнүн жана гүлдөп-өнүгүүсүнүн жаңы этабынын башталышы болсун! Бул процесске катышкан бардык тараптарды куттуктайбыз жана Кыргыз Республикасынын ИТ секторун жана инвестициялык климатын өнүктүрүүгө кошкон салымы үчүн ыраазычылык билдиребиз.
Ошондой эле, Парк Высоких Технологийди түзүү да мамлекеттик органдар менен бизнес-коомчулуктун диалогунун жана кызматташтыгынын жыйынтыгы экенин эске салгыбыз келет, ал өз убагында Кыргыз Республикасынын Министрлер Кабинетине караштуу Инвестициялык кеңештин жыйынында талкууланган.